Dagaal Culus oo goor dhaw ka Qarxay inta u dhexeeysa tuulooyinka Nuur Fanax iyo Garisiyaan ee gobolka Hiiraan

Wararka ka imaanaya magaalada B/Weyne ee gobolka Hiiraan ayaa sheegaya in saakay ciidamada Itoobiyaanka ee ku sugan Janta Kundishe ay saakay halkaasi isaga tageen, iyadoo ciidamadaasi ku socday inay gaaraan halka loo yaqaano Garisyaani, ayaa inta u dhaxeysa waxaa ku qabsaday dagaal ay kaga hor yimaadeen kooxaha ka horjeeda ee ku sugan Hiiraan.

Xafiiska Shabakadda casuura Online wararka soo gaaraya waxay sheegayaan in ciidamada Itoobiyaanka ay isku gadaameen halka ay dagaaladu ku qabsadeen, iyadoo la soo sheegayo in tiro ka mid ah kooxihii weerarka geystay ay qabteen ciidamada, halka ay wararku intaa ku darayaan in halkaasi ay ka dhacday qasaaro naf iyo maalba leh.

Dhinaca kale dagaalkan oo socday muddo ku dhow saacad, ayaa la sheegay inuu hakad geliyay dhammaanba isu socodka gaadiidka iyo dadka, iyadoo ay gebi ahaanba ciidamada Itoobiyaanka xireen wadadaasi, isla markaana halkaasi ka bilaabay baaritaano la xiriira weerarkii saakay lagu soo qaaday