Qarax Bambaano oo lagu weeraray Xarun ay leeyihiin Ciidamo ka tirsan Dowladda Gudaha Magaalada Baydhabo

Wararka ka imaanaya Magaalada Baydhabo ee xarunta Gobolka Baay ayaa sheegaya in qarax Bambaano lala eegtay Ciidamo ka tirsan Dowladda Federaalka.

Qaraxan oo ahaa Bam gacmeed ayaa lala abaaray Xarun Ciidamada Minishiibiyada ku leeyihiin Bartamaha Magaalada Baydhabo, iyadoo uu dhaawac soo gaaray 3 ka mid ah Ciidamadaas.

Ciidamada Dowladda ayaa xiray goobtii uu qaraxa ka dhacay, iyadoona dad rayid ah soo qab qabtay oo ay ku jiraan dad ku dhaawacmay qarax Bambaanada.

Saraakiisha Booliska Baydhabo ayaa ka gaabsaday in ay ka hadlaan weerarka ka dhacay Magaalada oo aanay aheyn wax cusub.

Magaalada Baydhabo oo ka mid ah Goobaha Dowladda Soomaliya ka howl gasho ayaa waxaa ka soconaya kacdoono ballaaran oo lagaga soo horjeedo Ciidamada Ethiopia oo taageeraya kuwa Soomaalida, waxaana weeraradaas u muuqdeen maalmihii u dambeeyay kuwo isa soo tarayay